Cecchini, Leonardi e…i ladins!

Data

08 de jugn 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Marcialonga Craft é ruèda a la 13^ edizion. Gran partezipazion de atlec ladins!
En domenia ai 2 de jugn se à coret la Marcialonga Cycling, garejèda che toca con sie percors ence Fascia. I atlec che pontèa via da Pardac i era de passa 2000 e i podea cerner anter doi percorsc, chel GranFondo de 135 chilometres con 3900 metres de dislivel positif o chel MedioFondo de 80 chilometres con zirca 2500 metres de dislivel positif. A ge fèr front a la garejèda che passèa a Sèn Jan, sun Mont de Vich, a Moena e sun Sèn Pelegrin l’era sessaben ence i atlec del Fascia Bike, chest’outa en bona compagnìa dessema a desvalives ziclisćlocai che à volù tor pèrt.

Ma jon con orden. La endesfida l’à vedù n protagonist cognosciù, Stefano Cecchini (04 h, 18 m, 56 s) che con na bela proa l se à vadagnà la terza venta consecutiva, e na protagonista neva, la trentina Jessica Leonardi (05:06:17), Campiona del Mond a Varese tel 2018 e che per la pruma outa la se à vadagnà l prum sciaier del podie te chesta proa. Ic i doi venjidores del percors lonch. Per chel che vèrda la garejèda de 80 chilometres, a se tor la venta l’é stat Stefano Stagni (02:31:18) e Chiara Ciuffini (02:49:06).

Vardan enveze a nesc atlec, te la proa MedioFondo grandiscim resultat per Gabriele Depaul (02:35:43) che l’à serà sù al 13° post assolut e secondo te la categorìa S1, con demò 4 menuc de entardivament dal prum classificà. Troon amò i coridores del Fascia Bike Valerio Bacchiocchi (03:09:43) e Claudio Caimi (03:20:07) che i se à logà respetivamenter al 157° e 231° post assolut. A tor pèrt ence Michael Zanon (04:24:14). A meter sia rodes su la strèdes de nosc raion ence l Racing Team Fiemme e Fassa con Alfredo Varesco (03:13:27) 180° assolut, Thomas Degiampietro (03:34:39) e Marco Bertolini (4:15:35). Da sottrissèr la proes, amò tel percors curt, de la Rodes Val Badia Raiffeisen con Manfred Moelgg (02:47:41) ruà 47° assolut e Roland Ploner (02:57:11) ruà 89°. Dessema a ic ence Michael Moelgg, Michael Irsara e Alice Longo.

Per i resultac di etres atlec ladins se pel veder la classifiches sul sit ofizièl de la Marcialonga Craft.

Su la Usc nr 22 stampèda ai 7 de jugn troède ence l'aprofondiment sul Rally de Romagna e i resultac de la 3Esse!  (Daniele Verra)