La sajon dla scuadres dl FC Gherdëina

Data

06 de jugn 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N pitl ressumé dla sajon, permò fineda via, de duta la scuadres dl FC Gherdëina, dai mëndri dl’under ot nchin ala prima scuadra

Na bela pert de storia dl FC Gherdëina ie unida scrita tres la vënta de doi tituli da pert dla medema grupa de jugadëures: i jëuni dl’under 14 nasciui danter l 2003 y l 2005 y la scuadra di “aliefs elite”, nasciui tl biennium 2002-2003, à venciù sibe l Campiunat VSS che l campiunat dla lega.  

Vëncer n campiunat ie for rie, ma vëncer ncampiunat dla lega ie n gran resultat per na realtà coche chëla dl Gherdëina. Nfati, iel mé l segondo iede che chësc suzed tla storia dl FCG, do l prim iede tl 2016. Nce te chëla sajon fova i jugadëures jëuni unii alenei dai trainadëures Marco Maraner y Stefano Didioni, vencian l campiunat y pona nce la finela y deventan nscila campions provinziei di “giovanissimi”.

Y śën, trëi ani do, ie i doi trainadëures stai boni de vëncer nce l campiunat di “aliefs”. L ie da rengrazië i trainadëures, duc chëi che à judà y che ti à abù crëta ai jugadëures jëuni.

Sun la foto la scuadra under 14, cun i trainadëures Marco Maraner, a man drëta, y Stefano Didioni.

Deplù nce n con’ dl’autra scuadres dl FC Gherdëina iel da liejer tla USC stampeda di 7 de juni.

Galaria retrac