Ledro Skyrace, corsa e emozion

Data

15 de jugn 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En domenia ai 9 de jugn se à dejout la “garejèda a n pas dal ciel”. Rasom e Pederiva à tout pèrt
Da Mezzolago, comun de Ledro, l’é pontà via la Ledro Skyrace en domenia ai 9 de jugn. 19 i chilometres con n dislivel positif de 1610 metres. 500 i atlec che se à prejentà al start, con l’atlet valdostan Nadir Maguet che l se à logà al prum post col temp de 1 ora, 49 menuc e 44 seconc. La corsa resa é stata venta da Francesca Rusconi.

No podea mencèr la partezipazion fascèna: i doi atlec de La Sportiva Team Mauro Rasom e Carlotta Pederiva à tout pèrt a la emozionanta garejèda, dò l’esperienza de l’an passà. Da sottrissèr la prestazion de Mauro Rasom che à arbassà sie temp adertura de 10 menuc. Ruà al travert dò 2 ores, 10 menuc e 37 seconc, l’atlet da Vich l se à logà al 26° post assolut, 22° de categorìa 23-39M. 15^ assoluta enveze Carlotta Pederiva, che l’à fenì sia fadìa te 2 ores, 49 menuc e 24 seconc, 11^ te categorìa 23-39F.

Ledro Skyrace, na garejèda che se depenc de vedudes maraveouses, pruma spenta per corer debel sunsom a vigni piz. Ades inant, envers chel che vegn.


Troède l'articol entriech su la Usc nr 23 stampèda ai 14 de jugn  (Daniele Verra)