Nce Alex Vinatzer unerà a Roma

Data

20 de jugn 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Danter 19 atlec y atletes dla FISI premiei a Roma per si resultac tla sajon passeda n iel diesc de Südtirol; un ie Alex Vinatzer de Gherdëina

N lunesc ai 10 de juni iel tla sënta dl Guviern talian, Palazzo Chigi, a Roma stat na manifestazion de uneranza di atlec taliani dla FISI che à fat bën tla sajon da d’inviern passeda. De 19 atlec y atletes n iel bën diesc de Süditrol: Dominik Paris, Dominik Windisch, Dorothea Wierer, Lukas Hofer, Simon Maurberger, Roland Fischnaller, Emanuel Perathoner, Patrick Pigneter y l jëunn de Gherdëina Alex Vinatzer, che fej schi alpin.

Pra la ancunteda, prejënt nce l secreter de Stat Giancarlo Giorgetti, à l presidënt y assessëur per l sport dla Provinzia de Bulsan Arno Kompatscher abù paroles de rengraziamënt y de lauda: „Per n raion cun puech passa 500mile abitanc iel n pitl miracul a avëi tan de sportifs de livel mundiel. La sajon permò fineda via ie stata de gran suzes: la bedaies pra i campiunac dl mond à purtà l sport da d’inviern, i atlec y la atletes, a n livel mo plu aut, y l à nce fat crëscer mo deplù l nteres dla jënt dl Südtirol per l sport da d’inviern.“ Kompatscher ti à fat i cumplimënc a duc i atlec per i resultac y ti à mbincià dut l bon per la proscima gran cumpetizions.

Nce nëus dla USC ti fajon sambën i cumplimënc a “nosc” atleta Alex Vinatzer y ti mbincion dut l bon per si daunì!

 
Foto: I atlec de Südtirol che ie unii unerei a Roma. Alex Vinatzer de Sëlva ie sun la fotografia do la gran campiunëssa Dorothea Wierer.

Galaria retrac