Sajon positiva per la Ritmica Fassa

Data

21 de jugn 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ai Campionac nazionèi Uisp a Follonica la ginastes de la sozietà fascèna à otegnù n muie de piazamenc de valuta. Marie Valentini se à vadagnà l 3° post assolut a corp ledech
Dò l grum de podies otegnui ai 14 de oril te la pruma garejèda regionèla del campionat Uisp, doi setemènes dò, ai 28 de oril la bezes de la Street Dance School & Ritmica Fassa é jites a Gardol per tor dant l’ultima garejèda regionèla de sajon. Dutes se à dat jù con gaissa e pascion ma na menzion spezièla va a la ginastes più picoles che à garejà dalbon con tanta grinta.

Dai 23 de mé ai 2 de jugn a Follonica l’é stat i Campionac nazionèi Uisp 2019. La 10 atletes che à tout pèrt à palesà gregn mioramenc e les à otegnù de bie resultac de gra ai sacrifizies e al lurier costant portà inant ensema a sia ensegnantes e sia families. 

Chesta garejèda, che va inant per ben 10 dis, la veit n muie de scrites ite e desvalives livìe de dificoltà e la vegn metuda a jir ogne an te na region desvaliva de la Tèlia, chest an l’é stat apontin l’outa de la Toscana.

Ades la ginastes de la Street Dance School pel se goder mingol de paussa dalbon meritèda, ma no les starà chietes per n pez, ajache chest istà se podarà les veder viventèr vèlch manifestazion de val.


Troède i resultac su la Usc nr 24 stampèda ai 21 de jugn  (cri.m)