I bec de la 3Esse a San Laurënz

Data

29 de jugn 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La proa de la Sudtirol Cup se à dejout sot la pievia. Prum post per i ladins Daniel Rungger e Luca Vuerich
Dò n loch temp dalonc da le garejade i bec più gregn de la 3Esse é jic a San Laurënz per tor part a na garejada de la Sudtirol Cup. Ence se l temp no à didà, ajache l’à pievet dut l temp, la gaissa la era n muie grana, de gra ence al bel percors metù dant da l’ASV San Lorenzen Rad.

L zircuit l’era lonch 3,5 km e l jìa su e ju per i bosć e i pré. Na garejada per nia curta e nience sorìda, ajache l’era dut mol, ma ence chiò i atlec de la 3Esse se à fat valer. 

Anter i Esordienti del prum an troon l sesto post de Ilenia Gabrielli per ele e per ic semper l sesto post de Patrick Matordes, l 13° de Leonardo Farina e l 17° de Stefan Rosso. 

Sesto post ence per Gloria Gabrielli anter le Allieve del prum e te la medema categorìa de ic l’é da recordar la bela proa de Daniel Rungger de Rodes Val Badia, ruà al prum post. Venta ladina ence anter i Juniores de ic con Luca Vuerich, fascian che cor con la U.S. Litegosa.

Donca bogn resultac, bela garejada e se se vedarà a la Mini Imer Bike del zircuit de mini bike.   (Gloria)