100 milions de spas e pascion

Data

30 de jugn 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tel meis de jugn Fascia à vedù 3 tornoes de balon: descorion FassaKids, Krampus Soccer e Soraga League
La Juventus vel se comprèr jù De Ligt, joen olandeis de l’Ajax conscidrà un di talenc miores del mond, per na setantina de milions de euro. L Napoli peissa a Lozano e Rodriguez, che dessema i rua ence sora a chesta zifra, ma l podessa ence vener l defensor senegaleis Koulibaly per più che 100 milions. L’Inter à ja domanà Barella al Cagliari, cost de 50 milions, e al Manchester United de aer Lukaku, atacant de gran peis e che de milions l ne n costassa passa 80, ma via pura, l podessa esser baratà con l’ex capitan de la squadra, Icardi, che à più o manco l medemo valor. Chesta la zifres che se sent a la televijion per l balon talian, campionat manco rich che chel engleis o spagnol, e che amò se jonta apede a cheles di contrac sotscric dai jiadores che i va fin ai 10 o 12 milions a l’an; fora dal chèder l campion juventin Cristiano Ronaldo, che a propojit de scioldi, l vadagna più che 3500 euro te un’ora, zenza tegnir cont di sponsor.

L’istà del balon é segnà soraldut dal marcià di jiadores, ma ence l jech l no se ferma: jugn l’é stat l meis del balon brun chièr, con la nazionèles taliènes de u. 20 e 21 che se à jià respetivamenter l Mondièl, con l quarto post arjont, e l tornoi european, con l’eliminazion ti girons. 

Ge vel ge meter apede ence la novità più grana: con la sponsorisazion de la televijion a paament Sky che ge à dat luster a la Serie A de la eles, ence te la Tèlia se à tacà a rejonèr del balon feminin e, semper te chest temp de prum istà, ence la nazionèla de la eles se à fat veder sui ciampes de balon per l Mondièl.

L’é chest, en linia de mascima, l balon che se vegn a saer de gra ai media. Emben, no l’é aboncont demò chest l balon. Vindedò l maraut de scioldi e comerzialisazion, l’é amò ence n sport più sconet, fat de pascion e ensomesc, fadìa e devertiment, e chiò rua noscia costion.


Su la Usc nr 25 stampèda ai 28 de jugn troède i aprofondimenc su FassaKids, Krampus Soccer e Soraga League  (Daniele Verra)