Corer su per chela ertes de Marmolèda!

Data

09 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ruèda ence la quinta edizion de la Super Vertical
En sabeda ai 26 de jugn sun Marmolèda se à coret per la quinta edizion de la Marmolada Super Vertical. L percors l’é stat lonch 7,5 chilometres. La partenza la é stata sui verc pre junson i piesc de la gran reìna, alò dal Camping La Marmolada. L percors l’é passà fora per i giacees, olache te chisc i concorenc à cognù durèr perfin i rampons da giacia. Tel comun de Rocia se à dejout la quinta edizion de la garejeda più dolomitica de corsa sui monts: la Marmolada Super Vertical.

L percors l’è partì dai 1450 metres sul livel de l’èga, ruan ai 3250, alò da Punta Rocca. L dislivel l’é stat de 1800 metres. 7,5 chilometres l’é stat dut l teren che i concorenc à cognù se magnèr. 

Per i più picoi è stat endrezà la Montura Mini Vertical, olache picoi atlec dai 3 ai 12 egn i à podù se sproèr te chest nef sport, te la 5 categorìes. La è stata endrezèda col didament de Alpstation Kids Cles.

Te la classifica generèla di omegn podon troèr prum Hannes Perkmann de l grop Dynafit (1h24’40’’). Che ge và do Daniele Felicetti de la Yteam Dynafit (1h24’57’’) e Andrea Rostan de la Sportiva Team (1h25’32’’).

Te la eles, la medaa de or l se la à vadagnèda Paola Gelpi del Team La Sportiva (1h38’37’’), con tedò Annelise Felderer de la Asc. L.F. Sarntal Raiffeisen (1h43’09’’) e Cristiana Giongo (1h56’).

Anter i prumes cent de la classifica generèla mascolina e femenina, aon ence dotrei fascegn. Al dejaseteisem post Tobia Soraruf da Penìa con l temp de 1h40’35’’. Verra Cosma de Bela Ladinia da Dèlba con l temp de 1h56’49’’ l se à vadagnà l post numer 45 e Verra Ivano, semper de la medema sozietà, l se à fat lèrga e l’è ruà otanteijem con l temp de 2h18’45’’. N gran e fort batiman a nesc atlec fascegn!  (Nicoletta Riz )