Eduard Zakharchenko nef goalie di Falcons

Data

15 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La sociazion sportiva fascèna se endreza per la sajon: neves dal marcià, abonaments e setor di joegn
Col jir inant de l’istà, se scurta vigni dì l temp che mencia al scomenz del campionat de Alps Hockey League, competizion che veit da vèlch an enscinuèda la squadra fascèna di Falcons. La dirigenza del Fascia la laora giornèda dò giornèda per sturtèr sù la formazion che cognarà ge fèr front a la sajon 2019-2020. Con l scomenz de messèl l'é ruà vèlch neva ofiziala di jiadores rué a defener i colores de la squadra fascèna de gra al marcià. Bendeché se sent dir che a hockey se jia de 5 contra 5, ma a la dir duta i jiadores su la giacia i é 6 per vigni squadra. L’om che vèlch outa no se tegn cont l’é chel che se mef de manco, chel che stèsc a defendura de la gabia, fazile l’om più emportant de la partida: l portier. E l’é per chest che fosc la neva de maor enteress l'é chela de la compra fascèna de n nef portier, dò la ultima sajons che à vedù pontèr sul talent local Gianni Scola. L portier fascian, cresciù tel setor di joegn di Falcons, l se à desmostrà vertech a se jièr sia ocajions con la maia de la pruma squadra, ma chest an la dirigenza fascèna à volù proèr a se lascèr su n nef hockeyst vegnù da foradecà. Eduard Zakharchenko sarà defati l nef goalie di Falcons: clasc 1995, l portier rus/ucrain l'à firmà n contrat per defener la porta fascèna te la proscima sajon. No l'é stat aboncont chesta la soula neva che à ofizialisà l Fascia Falcons. Te la ultima setemènes l'é stat fat fora la compra ence de doi atacanc, dò che ve aane jà contà di moviments fascegn per comedèr la difesa con Eastman e Roupec. L prum jiador vegnù da foradecà per didèr l'atach de la squadra l'à inom Linus Lundström, hockeyst svedeis che à jià sia ultima trei sajons te l'Alps Hockey League con la formazions de Egna e Gherdëina. La neva più frescia l'é aboncont chela de la compra de n secondo atacant, Lucas Chiodo, joen clasc 1998 che à jià te l'Ontario Hockey League, una de la lies di joegn più emportantes del mond. Na compra dassen enteressanta che l temp podarà defenir miec.

De più su la Usc 27 di 12 de messèl  (Daniele Verra)