Atlec ladins a la Seiser Alm Half Marathon

Data

16 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A la garejèda sun Mont de Sousc à tout pèrt con de bie resultac Daniele Verra e Adele Pollam che à vent l titol de “più esperta”
En domenia ai 7 de messel se à dejout la setima edizion de la Seiser Alm Half Marathon, la mesa maratona de corsa su la Mont de Sousc. Chesta mont de la Dolomites per sia gran spersa l’é la più grana de l’Europa. L temp l’era dassen bon, enceben che te vèlch moment l se à mingol snigolà. Chest l'é stat n gran vantac per i atlec, dalajà che la garejèda la é stata duta a soreie e donca dassen sfadiousa per l ciaut. A la garejèda se à scrit ite 700 concorenc. La é pontèda demez da les 10 dadoman col prum grop (i numeres dal prum al 350) e dò 5 menuc l’é peà via l secondo grop (numeres 351-700) da Compatsch su la Mont de Sousc. 10 menuc dant enveze l’é partì la Charity Run, la corsa de benefizenza che era stata proponeta jà te la doi ultima edizions. La bonamans toutes sù é jites dutes a l’organisazion RYLA, ogne chilometer del percors l’era n sponsor che à sport 200 euro. La garejèda era longia 21 chilometres con n dislivel positif de 601 metres, sun n percors dassen da marevea anter l Saslonch, Saspiat, Molignon, Sciliar, Puez, La Odles. Enlongia l percors l’era n muie de restores con volontadives che dajea fora da magnèr e da beiver.

De più su La Usc 27.