“Pippo” venc la Krivapete!

Data

17 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ai 7 de messèl doi atlec del Fascia Bike anter Enduro e Maratona dles Dolomites
La “Krivapeta” l’é n pesonaje mitologich de la lejendes de la Slavia veneta: na femena che vif tel bosch, dalonc da la jent, te cougoi vejins ai ruves. Segnes particolères? L’à i piesc uté a la reversa, col ciucegn dedant e i deic tedò. Co éla che ve conton chisc fac te la piata del sport? Emben en domenia ai 7 de messèl se à coret apontin la Krivapete EnduRace, garejèda de roda enduro che à segnà la fin del Zircuit Trivenet de chesta spezialità. A tor pèrt l’é stat ence l Fascia Bike Racing Team, che à metù sui troes de chesta neva endesfida l’atlet enduro Filippo Romano. La garejèda veneta prejentèa 4 stages: Bunker, Spik, Clastra e Baita. 31 chilometres en total, con 1300 metres de dislivel. A venjer tinultima l’endesfida l’é stat Davide Dalpian, dant del secondo atlet Davide De Sabbata e del terzo Michele Dreossi. L podie de la eles l’é stat enveze formà da Olesia Ronon al prum post, ruèda dant de Nadine Ellecosta e Tina Perse. Dassen bon l resultat de l’atlet fascian Filippo Romano. “Pippo” l’é stat bon de na gran prestazion che ge à garatà adertura la venta te la categorìa Elite Master Sport, estra che la 9^ posizion assoluta. Con chest bel resultat l’atlet fascian se à vadagnà ence l terzo post Master tel Zircuit Trivenet Enduro.

De più su La Usc 27.  (Daniele Verra)