Chël campionat dan 50 agn

Data

30 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dal 1971 cina al 1986 él gnü soghé tla Val Badia n campionat de palé, cun scuadres dai paisc y ince dles mëndres fraziuns. Sëgn d’otober orésson recordé i bi tëmps cun na festa
Al é mez isté y te zacotan d’edemes metará indô man i campionac dl palé. Incö á la Val Badia tröpes scuadres che soga ti campionac provinziai, mo sciöche pro vigni uniun, lia y sport, á döt cant albü süa storia, á messü nasce y crësce. Chëra di campionac dl palé tla Val Badia vá oramai zoruch de feter 50 agn. An scriô l’ann 1971 che al gnô organisé por le pröm iade n campionat dl palé dla Val Badia. Campionat che é jü inant cina dl 1986. Incö che an s’avijinëia bel plan al mez secul dal pröm campionat dla Val Badia, él deplü porsones che oress indô ti dé vita ai recorc da zacan. Sön iniziativa de Gottfried Trebo da San Martin, é ai 11 de messé zacotan de sogadus da inlaóta rová adöm a San Martin, por baié da organisé na festa de recordanza dl campionat dla valada. La festa dess garaté la sabeda ai 12 d’otober tl salf dles uniuns a San Martin. Ara é ponsada por düc i sogadus, dirigënc y sostignidus di campionac da inlaóta. Tla orenté di organisadus él ince da arjigné na mostra, porchël i vál bele sëgn l’invit ai sogadus da laota, da chirí te chës cassëtes, sce ai ciafa fora retrac o material de chi agn.

Deplü sön le campionat dla Val Badia ciafëise t’La Usc di Ladins di 2 de agost.  (pablo)