Latemar Mountain Running, sigil su la sajon

Data

14 de setember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En domenia ai 8 de setember se à coret l’ultima tapa del Zircuit La Sportiva Mountain Running 2019
Passa 200 concorenc se à prejentà ai ciancìe del start de la Latemar Mountain Race, enceben l temp nia bon che à caratrisà la giornèda di 8 de setember canche la competizion era vertia a se dejoujer. L’é pontà coscita via da Pampeago l’ultim at del Zircuit La Sportiva Mountain Running Cup 2019, de contra a pievia, neif e freit.

N catif temp che à ampò fat scurtèr l percors pervedù dant fora, con na neva longheza de 16 chilometres e n dislivel positif de 900 metres. A venjer l’é stat l’atlet de cèsa Daniele Felicetti col temp de 1h20’03”, con la corsa resa comanèda enveze da la rumena Denisa Gragomir te 1h37’02”.

A tor pèrt a la garejèda l’é stat ence l’atlet fascian Mauro Rasom. L coridor de Sen Jan à serà sù sia proa te 1h27’31”, n temp che ge à garatà la 11^ posizion assoluta, 10 de categorìa 24-49M.

Con la Latemar Mountain Race se à serà sù ence l Zircuit La Sportiva: tinultima l’é stat Gabriele Bacchion e Denisa Gragomir a se tor la venta. A l’atlet clasc ’95, Team Tornado, é defati bastèda la seconda posizion te chesta ultima garejèda per se tegnir l prum post te la classifoca del zircuit. Dedant da duc con 348 ponts, l’atlet de Varese se à metù do la spales Daniel Antonioli con 316 ponts e Mattia Gianola con 256. L’atleta La Sportiva Team Mauro Rasom à enveze serà sie zircuit te la top 10, al 8° post assolut con 146 ponts.

Per chel che vèrda la eles, dezisiva enveze apontin l’ultima venta de Denisa Gragomir, che coi ponts vadagné la se à portà al prum post con 308, dedant a Paola Gelpi con 304 e Annelise Felderer con 296.

L'articol vegnarà fora entriech su la Usc nr 37 di 20 de setember, con apede na intervista al coridor Mauro Rasom!  (Daniele Verra)