Nia da fèr contra la Dolomitica

Data

27 de setember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I bec de la pruma squadra del Fascia che sul ciamp de cèsa i à perdù l derby de la Veisc per 2 a 1, enceben la desvaliva ocajions da gol
No la é jita nience chesta setemèna per l Fascia Balon che sul ciamp de cèsa l'à perdù l derby de la Veisc contra la Dolomitica per 2 a 1. 

La pruma pèrt de la endesfida la é fenida col resultat de 0 a 0. Tel secondo temp l’enconter l’é jit inant con azions pericolouses da duta doi la mans, ma a passèr en vantac l’é stat i ghesć dò na trata dal cianton de l’ex Weiss. 

Dò l gol, i fascegn a tacà a spenjer de più e l’é ruà l gol de l’un a un con Gabriele Riz desfrutan na distrazion de la defendura di fiemaces. 

Trottner e compagnes i à seghità a spenjer per proèr a ciapèr i 3 ponc, però chest à portà i fascegn a jir massa inant e a l’ultim menut i pardacegn i é rué a troèr de nef l vantac.

I fascegn proarà a portèr i trei ponc a cèsa la setemèna che vegn da mesa les cater domesdì a Cembra contra l Porfido Albian.

De più su la Usc nr 38 stampèda ai 27 de setember  (Pierpaolo Rasom)