I Rasom a la Bmw Berlin-Marathon!

Data

02 de otober 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En domenia ai 29 de setember se à coret la maratona più spedienta del mond. Ence Fascia à tout pèrt
La maratona de Berlin la é de Kenenisa Bekele. L’etiope à batù duc i concorents al gran event todesch, prejenc de passa 47 mile, ruan demò 2 seconc tardif respet al record del kenian Eliud Kipchoge. La maratona de la capitèla todescia la se conferma donca desche la più spedienta del panoram mondièl, ajache l record era stat fat segnèr da Kipchoge apontin a Berlin l’an passà. Col temp de 2h01’41” Kenenisa Bekele se à donca vadagnà l prum post: sul podie con el i doi conazionèi Birhanu Legese (2h02’48”) e Sisay Lemma (2h03’36”).

L dominie african se à confermà ence te la corsa resa, con n auter un-doi etiope: Ashete Bekere te 2h20’14” e Mare Dibaba te 2h20’21” les se à vadagnà i prumes doi posć, con la kenyota Sally Chepyego terza a beleche un menut de destach.

A corer i 42.195 km ence doi fascegn, Mauro e Ivo Rasom. I doi runners de la val i à donca azetà l’endesfida de corer na garejèda de nonzech mondièl. Al travert Mauro Rasom à fat segnèr l temp de 2h53’33”, Ivo Rasom chel de 3h02’50”. Chisc tempes ge à garatà ai doi atlec la 1362^ e 2669^ posizion assoluta, apontin su passa 47 mile coridores.  (Daniele Verra)