Ahi Fascia, desfata col Piné

Data

11 de otober 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L Fascia Balon pert 3 a 1 al Cotura de contra al Piné. Partida equilibrèda, ma na espulscion complica i pians di fascegn. Domenia l derby col Fiem!
Ence chesta setemèna l Fascia Balon à cognù ge zeder i trei ponc a la squadra aversaria, defat i à perdù per 3 a 1 contra l Piné. La partida la é scomenzèda delvers per i fascegn, che dò n chèrt de ora i à troà l gol del vantac con Gabriele Riz. Dò aer troà l vantac purampò, i pinaiteres i à proà a drezèr l’endesfida e i é stac bogn, amò dant de la fin del prum temp, de troèr l gol de la parità.

L secondo temp à moscià na partida equilibrèda, fin canche i ghesći à troà l gol del vantac con na trata de cef dò na gran parèda de Colusso. Trottner e compagnes i à proà a se petèr inant per drezèr l’endesfida, ma dò che i é resté de 10 sul ciamp per na espulscion, l Piné à metù junsom l sach ence l terzo gol, amò n’outa con na trata de cef.

L Fascia proarà donca a portèr a cèsa i trei ponts chesta domenia, canche l jiarà a Ciavaleis contra l Fiem da mesa les 4.

Su la Usc nr 40 stampèda ai 11 de otober troède ence i resultac de la categorìes mendres!  (Pierpaolo Rasom)