Chi él che scigola?

Data

18 de otober 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tel fin de setemèna anter i 12 e 13 de otober n muion de partides de hockey mender les é states sburlèdes: l’é l scioper di arbitres
En domenia ai 13 de otober l’é jit su la giacia per la pruma outa te chesta sajon ence la categorìa u.11 di Falcons per se jièr n tornoi a 4 squadres.
Su la giacia, tel fin de setemèna passà, ence la autra categorìes, enceben n clim senester e na lingia de sburlamenc a cauja del scioper portà inant dai arbitres de la federazion talièna, soraldut per motives economics (n aument de la »diaria«): la sozietèdes che à volù jièr istesc, les à cognù meter su la giacia n alenador de la sozietà per man, regolà da arbiter. Na situazion senestra e ence mingol pericolousa, ajache la mencianza de arbitres profescionèi aessa podù fèr nascer costions grieves de protestes o, amò piec, partides nervouses per na cativa condota di scigoloc.
A cauja del scioper, n muie de partides les é states sburlèdes, aboncont per la proscima giornèda de partides, cognessa esser dut de nef te na situazion normala, per la contenteza del sport e di bec.

De più su la Usc nr41 stampèda ai 18 de otober, coi resultac de la partides jièdes.  (Daniele Verra)