Nience l derby deida l Fascia

Data

18 de otober 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Da vèlch setemèna i bec de mister Chelodi vif n moment de dificoltà. Enceben n bon scomenz, la partida contra i jormegn fiemaces no à dat ejit positif

Seghita l moment negatif dal pont de veduda di resultac per la pruma squadra del Fascia che sul ciamp de Ciavaleis no à vadagnà nience n pont per via de la desfata per 2 a 0 contra l Fiem che ades l’é prum en classifica. 

La endesfida la era tachèda ben per i bec de mister Chelodi che i era stac bogn per na pèrt del prum temp de meter sot i fiemaces. Con na trata da 25 metres Patrizio Deville à brincà l remenat a la cencia del portier, ampò dò l’é stat l medemo Deville a falèr na ocajion da vejin ciapan mèl l balon. Dò chesta azions l’é vegnù fora l Fiem che à tacà a jièr delvers l balon e a cinch menuc da la fin del prum temp l’à troà l vantac con na trata da cet a un meter da l’usc. 

L secondo temp l’é stat più equilibrà con nience na ocajion fin canche l’arbiter ge à dat n rigor ai patrons de cèsa che i é stac bogn de l meter jun fon l sach. 

I fascegn la setemèna che vegn sul ciamp de Vich da mesa les cater te la partida contra l Calceranica i proarà a comedèr la posizion bassa te la classifica che la i veit al penultim post.

De più su la Usc nr 41 stampèda ai 18 de otober, coi resultac de la squadra mendres  (Pierpaolo Rasom)