Zanoner, Ticcò, Ambrosi, la familia se slèria!

Data

03 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’Apt Val de Fascia tol ite anter si testimonial sportives trei joegn atlec fascegn: Monica Zanoner, Giovanni Ticcò e Martina Ambrosi
SuperG, paslonch e saut spezièl. Ma podassane dir ence Monica Zanoner, Giovanni Ticcò e Martina Ambrosi. Che per nos vel dir ence Ciampedel e Moena, Fascia. Fascia che jonta trei neves posć te sia crew de sportives, apede a atlec de nonzech vidé da Stefano Gross. Atlec che se tira ite i colores de la Nazionèla, ma che porta tel dos ence chi de noscia valèda.

Sessaben che Fascia à na longia tradizion de sportives, che soraldut ti schi i rua a livìe emportanc, portan coscita l’inom de la val te la Tèlia e tel mond. L’é per chest motif che l’Apt de Fascia vel scialdi, an dò an, ge dèr sie suport a chisc atlec, sportives locai che rua a se trèr ite la mondura de la nazionèla.

Con la slalomista Chiara Costazza che dò la passèda sajon l’aea dezidù de no corer più, se aea librà un post anter chisc atlec, che conta amò i slalomisć Stefano Gross e Federico Liberatore, Mirko Felicetti, Igor Lastei, Emil Zulian e Caterina Carpano con la brea, l’atleta de paslonch Caterina Ganz e chela de skialp Giorgia Felicetti.

Un post che l’é stat sobito corì, adertura da trei atlec.


Lejé la paroles di atlec su la Usc nr 43 stampèda ai 31 de otober  (DV)