Verena Hofer saluda vencian doi iedesc

Data

05 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
 Te na partida cumbatuda ie la matadora raionela n lunesc sëira dl’ena passeda stata bona de vëncer la prima partida dl turnoi ITF tl Zënter dal Tennis a Runcadic. Bis pona n mierculdi sëira.

Nchin ai 2 de nuvëmber iel stat tl Zënter dal Tennis a Runcadic l turnoi nternaziunel dl'ëiles. L turnoi ITF ie dantaldut pensà per sustenì la atletes de nosc raion y per ti dé la puscibltà de se museré a livel nternaziunel, cun atletes de n livel aut che vën mo ala fin dla sajon adalerch te Gherdëina.

Devëntes per Verena Hofer
Per Verena Hofer à la partides scumencià n lunesc, ulache la ie stata bona de vëncer contra la numer 8 dl turnoi la belga Victoria Kalaitzis per 3:6 6:1 6:4. La proscima partida àla abù n mierculdi contra Anna Popescu, batuda per 7.5 7:5. Na gran sudesfazion per Verena, coche sambën nce per l publich prejënt. Nia da n fé ne n’iel pona per Verena stat contra Claudia Giovine, che à pona venciù l turnoi. La partida ie jita ora 6:2 6:3 per Giovine. Y nscila iel stat l ultimo var de Verena tl tennis agonistich, da coche l semea. Ma chi sà? 

Giovine vënc l turnoi

La finela dl singuler ie stata n sada ai 2 de nuvëmber. Venciù à Claudia Giovine, batan la tudëscia Anja Wildgruber per 4:6 6:1 6:1. Ntant ie l turnoi bele storia. Aspitan bele ert sun chël dl ann che vën. Ma ntant: cumplimënc ai urganisadëures, l ie inò n iede unì fat n gran lëur, dut ntëur a puntin!

David Lardschneider

Foto:

Verena Hofer.

Galaria retrac