L tornoi del tormen Vaia

Data

06 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I Falchec U.10 à jià l tornoi de Alie con n pensier al dejaster sozedù acà n an. CHESTA SERA l Fascia/Alleghe U.19 jia de contra al HCB Foxes Academy.
En sabeda ai 2 e en domenia ai 3 de november a l’Alvise De Toni de Alie l’é jit en scena l tornoi U.10 »Alleghe Hockey Tournament 2019«, endrezà a n an dal tormen Vaia che aea ciapà ite debel l raion e ence l stadie de la giacia di venec. Al tornoi à tout pèrt i patrons de cèsa dessema a Fiem, Aosta, Busan, Zoldo, Pèdua, Ampez e, sessaben, Fascia Falcons. “Never give up”, mai molèr, chest l dit che à compagnà i doi dis de tornoi, col met de ge passèr ai joegn hockeysć n messaje de positività e forza data da l’union.

Tel fin de setmèna su la giacia ence l'U.13 con Padova vs Fascia Falcons, l'U.15 con Fascia Falcons vs EC Eppan e l'U.17 con Fascia/Alleghe vs HCB Foxes Academy. Te la categorìa U.19 la squadra fascèna en cobia con l’Alleghe Hockey l’à enveze pussà e la jiarà sia partida chesta sera.

Resultac e aprofondimenc su la Usc nr 44 stampèda ai 8 de november  (Daniele Verra)