Zacan na bela venta

Data

09 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L Fascia Balon à batù l Verla te na partida de gran carater con duc i jiadores che à uzà sù endodanef l cef. DOMAN contra l Primier.
Zacan pel grignèr ence l Fascia Balon che en domenia à vent contra l Verla per 2 a 0. Gran partida di patrons de cèsa che jà dai prumes menuc de la endesfida i met sot i ghesć. La pruma ocajion de la partida la é per i fascegn con na gran trata de pruma dai 25 metres de Giovanni Deflorian che l portier ghest l desvìa fora da l’usc. L Fascia seghita a spenjer fin a canche, dò na gran azion, l joen Massimo Lorenz vegn petà jù te area de rigor e l diretor de la partida l cogn ge dèr ai tousc de mister Chelodi la trata dai 11 metres, che Sebastiano Rasom l’é bon de mudèr te n gol.

La pruma pèrt de la partida la fenesc con i patrons de cèsa sora de 1 a 0. Te la seconda pèrt de la endesfida l jech no cambia e l Fascia seghita a jir en atach per serèr sù al più prest la partida. Dò na gran ocajion trata demez da Gabriele Riz, che te l’area l trèsc l balon sora l remenat aut, rua l secondo gol di fascegn con Samuele Ruggiero, tanche jit ite te ciamp, che l fenesc te la mior vida na gran azion metuda en esser da Matteo Lorenz e Patrizio Deville. 

Partida de gran carater de Lorenz e compagnes che i é stac bogn de uzèr sù endodanef l cef dò na lingia de partides perdudes e la setemèna che vegn i proarà a tachèr via enveze na lingia de ventes a scomenzèr contra l Primier a Mezan da mesa les 3 DOMAN ai 10 de november.


Su la Usc nr 44 stampèda ai 8 de november la classifica e i resultac de la squadra mendres!  (Pierpaolo Rasom)