Sinner vënc te Gherdëina

Data

20 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Miec ne ëssela nia pudù jì, pra l gran turnoi nternaziunel de tennis di ëi ATP Challenger a Runcadic: Jannik Sinner vënc duta si partides y l turnoi Na marueia: dal plazamënt 550 ATP che Sinner ova tl scumenciamënt dl 2019 nchin al ranking 78!, do avëi venciù l turnoi te Gherdëina. Miec ne ëssa l jëunn de 18 ani de Puster nia pudù finé via la sajon. Tla finela da n dumënia à Sinner batù l austriach Sebastian Ofner cun 6:2, 6:4. Nscila àl venciù duta si partides dla 10ejima edizion dl ATP Challenger Cassa dl Sparani, ne dajan ca niancanó un n set, per la legrëza di truep vijitadëures che ie unic adalerch a ti cialé al matador raionel, ne se lascian nia destò dala stleta cundizions meteo de chisc dis. Nchin a 500 persones fòvel a cialé pro, n record per Gherdëina. Sinner à venciù 6.190 euro pra l turnoi de Gherdëina, leprò 80 ponc, che ti à judà a fé l saut dal ranking 96 dan l turnoi al 78 de do l turnoi, per la legrëza de Sinner ma nce de si trainadëur Riccardo Piatti, che vën perauter bele dai ani te Gherdëina a jì cun i schi, tal Hotel Genziana de Sëlva.

Na gran lauda y n rengraziamënt ti va a duc i urganisadëures, cunlauradëures y ulenteres per avëi dat si cuntribut che l turnoi ie tan garatà. Nce sce n ie stac ert, unitant, cun ch’la gran nëif che manaciova de reviné dut. Bel iel stat, y ala proscima: speran sambën che l sibe inò cun jannik Sinner!


Foto: Jannik Sinner (foto de Marco Corriero).

Galaria retrac