Ensomesc de neif per Carpano e Gross

Data

06 de dezember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La cobia de eles ladines del Snowboard Cross à tout pèrt a la pruma garejèda de la sajon a Pitztal
No serf più spetèr, l’istà fat de preparazion atletica e ensomesc de neif l’é fenì per i atlec di sport da d’invern. Anter chisc ence Caterina Carpano e Ester Gross, la doi atleta ladines de Snowboard Cross che en jebia ai 28 de november les à tout pèrt a la pruma garejèda sajonèla che se à dejout a Pitztal. La tapa austriaca à coscita avert la sajon de Copa Europa e dat fora i prumes ponts a mever la classifica.

A tor pèrt a la garejèda de la eles, descheche aon dit, ence doi atletes ladines. La fascèna Caterina Carpano, clasc ’98 de Poza, l’é stat la terza talièna ruèda al travert, se vadagnan con sia proa la 7^ piaza, 129,60 ponts FIS e 180 ponts te la Copa Europa. L’atleta clasc ‘99 de Ampez Ester Gross enveze l’à fenì la tapa austriaca al 16° post, se metan te gofa 54 ponts Fis e 75 de Copa.

Con chisc resultac la doi ladines à peà via a sia sajon: tinultima l beicher à sonà, i ensomesc de neif i é ades realtà, na realtà da viver travert dò travert.


Articol entriech su La Usc nr 48 stampèda ai 6 de dezember  (Daniele Verra)