Oberbacher-Felicetti venc l Trofeo Sèn Nicolò

Data

11 de dezember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ai 7 de dezember l’é stat la tradizionèla garejèda de Sèn Nicolò endrezèda dai Bogn da Nia. La sozietà à abù n bel resultat tant te la classifica di omegn che te chela de la eles.
En sabeda ai 7 de dezember se à dejout la 14^ edizion del Trofeo Sèn Nicolò. N bon test, chest del vertical su la neives de Dèlba, per duc i 127 atlec rué al travert, ma soraldut per i atlec che se enjigna a na dura sajon agonistica, desche per ejempie i doi venjidores de chesta edizion Alex Oberbacher e Giorgia Felicetti (su La Usc de chesta setemèna troède ence sie prumes resultac te la Copa Tèlia).

L gherdener Alex Oberbacher, clasc ’94 che cor belimpont per i Bogn da Nia, l ge à dat luster a la sozietà de endrez, se logan al prum post con l temp de 25 menuc e 59 seconc. Sul podie di omegn apede a el Martin Stofner, secondo te 26’23”, e l joen 2001 Matteo Sostizzo, terzo col temp de 27’41”.

Per chel che vèrda la classifica resa, podie dut firmà Bogn da Nia: pruma desche aon dit la fascèna Giorgia Felicetti, che l’à vent la proa con l temp de 33 menuc e 22 seconc. Al secondo post se à logà enveze Carla Iellici col temp de 36’41”, dant de Susanna Menardi, terza te 47’44”.


De più su La Usc nr 49 stampèda ai 13 de dezember  (Daniele Verra)