Devënta dedicada al alenadú gnü a mancé
Patrick Pigneter y Florian Clara á davagné la gara de copa dl monn te Passeier y ti dedichëia chësta devënta al alenadú Karl Mitterrutzner che é gnü a mancé da püch.
La copa dl monn de liösa sön pista naturala é rovada te Passeier. Do le secundo post de Patrick Pigneter y Florian Clara a Winterleiten tl’Austria, él en chësc vëndres ai 10 de jená garaté na devënta tlera. Cun 1.54,33 ái batü de 1,26 secunc i rusci Pavel Porshnev y Ivan Lazarev. Terzi i atri rusci Aleksandr Egorov y Petr Popov. La devënta ti á i dui campiuns südtirolesc dediché a so alenadú che é gnü a mancé. Pigneter: "Chësta devënta i dedicunse a nosc alenadú Karl Mitterrutzner. Cina dan püces edemes s’unse ciamó alené impara. Nosc pinsier i vá a süa fomena y sü mituns. (pablo)
Galaria retrac
View the embedded image gallery online at:
https://www.lausc.it/sport/11673-deventa-dedicada-al-alenadu-gnue-a-mance#sigProId700bcc0471
https://www.lausc.it/sport/11673-deventa-dedicada-al-alenadu-gnue-a-mance#sigProId700bcc0471