A la Gitschberg Nightattack,4^ tapa de la Eisacktal Cup che se serarà sù ai 8 de firé con la Lorenzsturm, a ruèr al travert per pruma per che che vèrda la corsa resa l’é stat Vivien Senn, clas '98 e n menut e mez più tèrt l'é ruà al travert Priska Gasser. La terza piaza é stata scombatuda enscin ai ultimes metres de gara, con n cef a cef anter la badiota Heidi Dapunt e Annemarie Gross, con la pruma che é stata bona de serèr l podie col temp de 50'11”.
Terza posizion vadagnèda ence dal fascian Mauro Rasom te la garejèda di omegn. A se vadagnèr la
View the embedded image gallery online at:
https://www.lausc.it/sport/11820-medaes-ladines-con-la-pouses#sigProId73ebfff250
https://www.lausc.it/sport/11820-medaes-ladines-con-la-pouses#sigProId73ebfff250
Garejèda che à abù amò maor partezipazion ladina l'é stat la 24^ Ski Alp Cauriol, 19° Memorial Fausto Giacomuzzi, che à portà i atlec a Belamont. Adertura 197 i atlec ponté via te la garejèda che valea desche pruma proa Montura Trofeo Ski Alp 4 Valli.
Sul podie di omegn a la fin l'é ruà doi atlec di Bogn da Nia, Simone Manfroi al prum post e Gabriele Depaul al terzo. Te mez a se vadagnèr l'arjent l'é ruà Thomas Trettel de l'Asd Cauriol. Anter i joegn gran proa de Luca Vuerich de Bela Ladinia, ruà prum de sia categorìa.
Te la corsa resa suzess fascian con Giorgia Felicetti, che se à vadagnà la medaa de òr. Na bela sodesfazion per la atleta da Ciampedel che doi dis dò, ai 26,l'à coret ence la garejèda de Copa Tèlia de schi alpinism de jené te la Valtartano Skialp ruan pruma te la categorìa U.23.
De più su La Usc stampèda de vender di 31 de jené 2020. (DV)