Inant che per precauzion sanitères per l virus vegn fermà n muie de competizions e scomenzadives, i bec di corsc lonc de schi, brea freestyle e paslonch del Ski Team Fascia i à podù se goder su la neif te n bel domesdì en mèscra.
En sabeda ai 15 a se empienir de colores e legreza l’é stat l ciamp scola de Fraìne anter Poza e Pera, olache se à binà i bec de la scola populères. Dotrei dis dò, en mèrtesc ai 18, tel medemo lech l’é stat i bec più picoi de la scolines che à podù se goder su la neif, e ai 19 sul percors de paslonch aló apede se à binà i bec del cors coi schi strenc.
La festa no é mencèda nience per i bec de la Val de Sora, che en sabeda ai 22 de firé i à podù fèr carnascèr su la neif de Ciampedel, aló dal skilift de Col de Lin.
En mèscra su la neif col Ski Team Fascia
La sociazion sportiva à endrezà desvalives apuntamenc per se goder coi picoi sozi e atlec.
Galaria retrac
View the embedded image gallery online at:
https://www.lausc.it/sport/12050-en-mescra-su-la-neif-col-ski-team-fascia#sigProId44e07e408a
https://www.lausc.it/sport/12050-en-mescra-su-la-neif-col-ski-team-fascia#sigProId44e07e408a