La Usc di Ladins

Desche duta la manifestazions sportives, e no, che bina ensema n muion de jent, ence l maor event de corsa agonistica te Fascia l'à cognù zeder al Covid-19 e a la normes de prevenzion leèdes al virus. Nesciun travert sun Crepa Neigra per l Vertical, nia zig-zag su per la sforcela de Pordoi per la Skyrace, nia roda ladina d'intorn l Sela per l'Ultra Trail. Ai 20 de mé l'é stat publicà su Youtube, e portà coscita ence su la piates di social Facebook e Instagram ofizièles de l'event, n filmat dassen sugestif, tant bel per parbuda che rie per contegnù. Anter i recorc en bianch e neigher di organisadores e di atlec empegné te la garejèdes de la DoloMyths Run, se à fat veder l comitat de endrez coi couribocia, te n bel pra vert con nesc monc a fèr da cornisc, che à portà dant la neva de l'anulament de la garejèdes e l’apuntament per l meis de messèl del 2021.

De più su La Usc stampèda de vender ai 29 de mé 2020.

 (Daniele Verra)