La Usc di Ladins

Do mëisc che le »corona« á archité ince i campionac dl palé, éson sëgn tan inant che an pó indó pié ia. Valgünes scuadres ladines é bele jüdes te ciamp por les partides de Copa, mo sëgn vëgnera da pié ia cun i campionac. Chësc fin dl’edema mët man i campionac de pröma y secunda categoria. Tla pröma, rode B, él le Mareo che inviëia ia süa esperiënza nöia, do che al é garaté la promoziun nia aspetada. I maroi, alená da Marco Scalzini, sogará en domënia ai 06.09. dales 15:30 söle ciamp da Ciamaor a Al Plan, cuntra Plose. Tla secunda categoria, rode C, él la Val Badia alenada da Cristian Curti che sogará süa pröma partida bele en sabeda ai 05.09. dales 15:00 sö Le Sest, cuntra la scuadra de ciasa. Te chësc rode soga ince la scuadra dl Gherdëina, che vá te ciamp chësta sabeda dales 16:00, te ciasa dl Falzes. An podará te chësc campionat ince se conforté a n derby interladin, che gnará soghé ai 31 d’otober ia en Gherdëna.  (pablo)