La Usc di Ladins

Dò la festa russa en Svizra tel slalom lèrch, ai 12 de jené la Tèlia se à tout endò la scena de la brea con l podie de Aaron March che a Bad Gastein l se à piazà adertura sul sciaier più aut, medaa de or de Copa del Mond. Dò la califiches e n bel percors envers la finèla su la neif austriaca, l sudtiroler aessa en realtà taà l travert da second, batù dal rus Dmitry Loginov per 24/100, ma l joen clasc 2000 aea purampò inforcà te sia ultima proa e l’é stat per chest penalisà e passà en 2^ posizion. Venta Azzurra donca, la seconda en cariera per l’atlet de 34 egn che chest’an l’era jà ruà sul podie tel slalom lèrch de Ampez, enlouta al secondo post dedò a Roland Fischnaller, che te la tapa austriaca l no é stat bon de aer azess a le run.

De più sun La Usc 03 di 22 de jené  (Daniele Verra)