La Usc di Ladins

L’é stat n fin de setemèna rich de garejèdes chel tanche passà con la FIS de superG sun Sèn Pelegrin e la garejèdes de slalom lèrch di atlec de la categorìes Ragazzi e Allievi

SuperG Sèn Pelegrin
Enstadì sun Sèn Pelegrin se à binà i atlec che à tout pèrt ai doi superG Fis Junior metui a jir en vender ai 15 de jené per endrez del Ski Team Fascia, proes de valuta per l Zircuit Pastificio Felicetti.
A venjer la competizion internazionèla l’é stat la fascèna Silvia Lastei, clasc 2001 che fèsc pèrt de la sozietà che à endrezà la competizion, e l’atlet canadeis Adam Marler.
La atleta da Sèn Jan é ruèda pruma col temp de 1’07”87, con destach de 0”38 da Ilaria Ghisalberti (Carabinieres) e de 0”42 da Patrizia Gasslitter (Seiser Alm). Dapodò l’é da uzèr fora l bel 5° post de n’autra atleta fascèna, la joena Sofia Vadagnini del 2003, atleta del Ski Team e del Ski College de Fascia, e amò l 6° e l 9° piazament de la atletes de Gherdena Denise Insam (Seiser Alm) e Nicole Nogler Kostner (Carabinieres).
Anter i omegn tedò da Adam Marler che à vent col temp de 1’06”46, se à logà Bradshaw Undehill con n destach de 0”88 e Luca Claus (Sc Anaune) a +1”11. Bon ejit del fascian Fabian Cincelli, ence el del Ski Team e del Ski College de Fascia, che se à logà ti Top-10. al 9° post de la classifica.

De più en cont ai etres apuntamenc su La Usc 03 di 22 de jené  (Cristina Marchetti)