Silvia Lastei de or sun Pampeago
Fabian Cincelli e Sofia Vadagnini del Ski College de Fascia se à vadagnà la medaa de arjent. Bron per Max Malsiner de Gherdena e sacotenc etres piazamenc per l grop sportif de la Scola de Fascia.
Sun Pampeago ai 25 e 26 de jené l’é stat metù a jir per endrez del Val di Fiemme Ski Team doi garejèdes de slalom lèrch Fis Junior, zircuit Pasta Felicetti, olache i atlec ladins e en particolèr chi del Ski and Ice College de Fascia i à otegnù de bie resultac.
En mèrtesc ai 26 sul podie de ic troon n ezelent Fabian Cincelli en seconda posizion, anter l’or de Francesco Santacroce, e l bron del gherdener Max Malsiner.
Per chel che vèrda la eles, gran bela venta per Silvia Lastei, che fin a l’an passà la era tel grop del Ski & Ice College, e sobito dò a se vadagnèr la medaa de arjent l’é stat Sofia Vadagnini.
Su La Usc stampèda di 5 de firé se pel lejer ence i resultac de la garejèda di 25 e i piazamenc di etres atlec de la Scola de Fascia.
Galaria retrac
View the embedded image gallery online at:
https://www.lausc.it/sport/14704-silvia-lastei-de-or-sun-pampeago#sigProId0ec70808b0
https://www.lausc.it/sport/14704-silvia-lastei-de-or-sun-pampeago#sigProId0ec70808b0
