N auter podie per la Tèlia te la Copa del Mond de paralèl de brea, l quinto sajonèl. Chest’outa a se l portèr a cèsa l’é l fascian Mirko Felicetti, che sul portoi de Bannoye ai 6 de firé l se à vadagnà apontin la terza posizion. L snowboarder de Moena l’é stat bon de se conquistèr, proa dò proa, la semifinèla de contra al patron de cèsa Dmitry Loginov, tinultima venjidor de la garejèda de contra a l’auter finalist Igor Sluev. Felicetti, perdù coscita l’azess a la finèla, l se à sproà per se vadagnèr la mior piaza te la small final, te na endesfida duta talièna con l’atlet Fiamme Oro Moena Edwin Coratti.
L fascian, descheche anunzià, l se à vadagnà la medaa de bron, otavo podie en cariera, lascian l compagn de squadra più endò al travert rus.
Anché i atlec va inant con n'autra garejèda e sarà da lejer de più su La Usc stampèda de vender ai 12 de firé. (Daniele Verra)
Mirko Felicetti se regola de bron
L’atlet fascian é ruà sul podie tel PGS de Bannoye dò aer vent la finalina con Edwin Coratti. Dant de el Loginov e Sluev.
Galaria retrac
View the embedded image gallery online at:
https://www.lausc.it/sport/14761-miko-felicetti-se-regola-de-bron#sigProId4cfdeac919
https://www.lausc.it/sport/14761-miko-felicetti-se-regola-de-bron#sigProId4cfdeac919