Rua la pruma partida da zero ponts per l’U.13 che en sabeda ai 6 de firé la se à dat jù te la sensestra trasferta de Perjen. La partida é scomenzèda sobito malamenter per i bienc e bruns che i à encassà doi goi ti prumes medeac de gara. Con l peis del burt scomenz su la spales e la nezessità de cogner recuperèr l resultat, la squadra no é stata bona de desmostrèr sie jech mior ti prumes doi tempes jan sot per 6 a 0 a la fin di prumes 40’. »L’é stat n pecià no scomenzèr delvers e encassèr sobito chi doi goi – ne à dit coach Michele Lazzer – che i ne à tout la serenità e ne à fat jièr mèl. L terzo temp sion stac na squadra desvaliva, aon jià nosc jech delvers e l’é ruà trei goi. Pecià per l resultat, ma vardon inant con fiduzia pissan a nosc terzo temp«. Con la bona reazion de la squadra te la terza frazion de jech la partida se à serà sul resultat de 7 a 3 per i patrons de cèsa.
De più sun l'autra squadra mendres sun La Usc 06 che vegnarà fora en vender ai 12 de firé
(Daniele Verra)
