La Usc di Ladins

Bona neves dai Mondiai de skialp de Andorra, olache cor ence i atlec ladins Giorgia Felicetti e Alex Oberbacher. Ai 2 de mèrz se à dejout tel chèder de la competizion mondièla la garejèda sprint. I neves campions del mond de la Sprint Race i é svizeres, de gra a la prestazions de Iwan Arnold e Marianne Fatton.

Arinsal ge à dat legreza ence a la ladinia, con Giorgia Felicetti bona de se vadagnèr la medaa de bron te la categorìa U.23, olache l’autra talièna Giulia Murada se à conquistà l’or. L gherdener l se à enveze logà al 26° post te la classifica assoluta, olache l’é ruà ence l bron talian de Nadir Maguet.

Anché la competizion jirà inant con la proa Relay. L percors l sarà beleche medemo a chel de la proa sprint, con na erta de più, ma l’endesfida vedarà empegnèdes la stafetes nazionèles.  (Daniele Verra)