Pra l Turnoi nternaziunel Open a Runcadic à Iacun Prugger n vënderdi ai 19 de merz venciù la finela tla categuria 3.
Prugger, tlassificà 3.4, ti ie stat do la rata saurì al jëunn Mattia Padovani, che ie n 3.1, a desmustrazion dla tlas y dl talënt dl atleta de Urtijëi, perauter nce nseniant dl ITE Raetia, che à da puech stlut ju l Master de Matematica tla Università de Dispruch.
Coche bele repurtà ie la partezipazion pra l turnoi de tennis che ie te chisc dis tl Zënter dal Tennis a Runcadic scialdi granda, a desmustrazion dla gran ueia de sport che l ie, nce o povester mo deplù, te chësta situazion particulera. L Cumité de Urganisazion dl TC Urtijëi à abù y à inant n gran lëur a urganisé dut cant, vàla pu nce de tenì ite y de fé tenì ite duta la mesures de segurëza. Per chiche fej pea y per i urganisadëures vàl oradechël debujën de fé uni trëi dis l test antigenich che muessa resulté negatif.
Nchinamò iel stat mé paroles de lauda y de rengraziamënt da pert de duc chëi che à fat y fej inant pea. L turnoi fina n dumënia.
David Lardschneider.
FOTO: Iacun Prugger 3.4, a man drëta, à venciù la finela tla categuria 3 pra l Turnoi nternaziunel Open a Runcadic, batan l jëunn Mattia Padovani 3.1.
Tennis: Iacun Prugger vënc
Galaria retrac
View the embedded image gallery online at:
https://www.lausc.it/sport/15174-tennis-iacun-prugger-venc#sigProId273293755b
https://www.lausc.it/sport/15174-tennis-iacun-prugger-venc#sigProId273293755b