La Usc di Ladins

Dò la finèles de Copa Tèlia e la proclamazion di Campions Taliegn, l skialp se à conzentrà su la sferes de crestel, assolutes e de spezialità, per la sajon 2020/2021. Da jebia 25 enscin ai 28 de mèrz defat la competizion se à tramudà su la Dolomites del Brenta, con la finèles de Copa del Mond a Madonna di Campiglio, paisc che ge à jà dat alberch a la edizions 2007, 2008, 2018 e 2019. Per la pruma outa la manifestazion é stata a firma Eco-Event Trentin e donca outa al stravardament de l’ambient e de la biodesvalivanza, con l zil de smendrèr l consum de energìa e èga, arbassèr l’entesseament e desgorjer delvers i refudames. I atlec che se à jià la finèles, da la categorìa senior enscin a l’U.23 e 20, à garejà te na tripla proa, con sprint, vertical e individual race.

Te la proa vertical ai 26 l'é stat na bona prestazion del gherdener Alex Oberbacher che l se à logà al 4° post, mencian l podie de pech. Gran festa talièna enveze anter i U.23, con i ores de Andrea Prandi e Giulia Murada e l bel arjent de Giorgia Felicetti.
Te la proclamazion di venjidores mondièi vertical 2020/2021 l’U.23 é stata de dominie talian con Prandi-Murada e con la fascèna Felicetti che se à laureà vize-campiona de arjent.

De più su La Usc stampèda de vender ai 2 de oril.  (Daniele Verra)