Lucia Dalmasso ie campiunëssa taliana

Data

03 de auril 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Per stlù ju la sajon dl snowboard iel i ultimi dis de merz mo unì metù a jì te Funes i Campiunac Talians sibe tla disciplina de slalom paralel che de slalom lerch paralel. Tl prim di di campiunac iel sautà ora de biei resultac dantaldut per la atletes ladines
N merdi ai 30 de jené iel unì garejà tl slalom y tlo se à Edwin Coratti davanià l titul da campion talian, che à batù tla finela Aaron March. Bront per l fascian Mirko Felicetti. Tumei ora ti cherc de finela ie Daniele Bagozza, Roland Fischnaller y Maurizio Bormolini. Georg Rabanser dl Snowboard Gherdëina ie ruvà 16ejim, ma nono tla tlassifica di Campiunac talians.
Pra l’ëiles ie Lucia Dalmasso dl Ski Team Fassa deventeda cam­ piunëssa taliana de slalom paralel, bele tla garejedes Fis­International dl fin dl’ena dant, òven udù che la se sentiva bën sun l purtoi de Funes. Giulia Gaspari à batù tla pitla finela la coreana Lee y se à davanià l titul da vizecampiunëssa taliana. Jasmin Coratti ie terza tla tlassifica per i Campiunac talians assoluc, ma sesta tla garejeda cun cuncurëntes nce da oradecà. Tla tlassifica junior vënc Jasmin Coratti l titul talian y Sophie Rabanser (12ejim) dl Snowboard Gherdëina ie vizecampiunëssa junior y cam­ piunëssa taliana dla aspirantes.

L articul ntier tla edizion atuela de La Usc di Ladins.