La Usc di Ladins

La sajon di Falcons é fenida zenza playoff en AHL, enveze i più joegn é jic amò inant.

Ai 11 de oril la formazion U.15 di Falcons à recuperà la partida col Perjen che era stata sburlèda per contages anter le linci. L Fascia se à prejentà al Scola con na formazion più joena che zenza, ma metan su la giacia gran gaissa. Partida de bon equilibrie per doi tempes, con la fadìa che se à fat sentir dapodò tel terzo. 7 i goi segné tinultima dal HC Perjen, de contra ai doi fascegn che à fat manco braus l resultat.

L'U.19 l’era amò l’unica squadra en corsa, a la fin l’é ruà la conferma: i Falcons U.19 jiarà i playoff. L Fascia se troèa sul fil, a l’8° post (ultima piaza bona per l’azess) con l Maran che aessa podù despassèr i Falcons de gra a na partida da recuperèr con l’Asiago. Tinultima la sorpreisa: apontin l’Asiago, che se troèa 5°, l’à cognù renunzièr cauja Covid. Donca Fascia e Meran ai playoff, jà scomenzé endèna che sion en stampa con l’endesfida di chèrc Appiano-Fascia.  (Daniele Verra)