Nicole Zanon, giudize arbitra

Data

22 de mei 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Trei joene da Moena se à metù al luster tel mond del tennis. Zanon é doventada giudize arbitra de secondo livel, Iris Deville e Martina Dellagiacoma se à calificà per la fasa nazionala del tornoi TPRA de Trent.
Sodesfazion dal mond del tennis moenat: Nicole Zanon é tanche doventada giudize arbitra de secondo livel e Iris Deville à vent la fasa regionala del tornoi TPRA de Trent se califican per la fasa nazionala a Milano Marittina. Tant Zanon che Deville fasc part del Tennis Club Moena ma ence n’autra joena moenata, Martina Dellagiacoma, tesserada del Ct Pardac, la se à afermà tel medemo tornoi a Trent se vadagnan l biliet per la località de la provinzia de Ravenna.

Nicole Zanon giudize arbitra de secondo livel
Nicole Zanon, ensema con n joen da Pardac che vif a Moena, Lorenzo Dellantonio, la é doventada giudize arbitra de secondo grado. Zanon era jà giudize de prum livel e ades la é doventada federala e la pel se cruziar de le serie più aute, a, b e c. Per otegnir chesta califica l’à cognù far n cors de 45 ore e n ejam a Trent, olache à tout part 13 persone anter le provinzie de Trent e Busan. L’era 30 domane scrite, l’endrez de n tornoi a livel de tabelon con califiche e tabelon final e dapò l’ejam a osc.
L giudize arbiter l’é l responsabol di campionac a squadre e l cogn verificar se che che jia i é en regola, per ejempie coi zertificac de sanità, dezider i abinamenc ti tornoes e tor la dezijion finala su le costion de derit en cont del tennis desche l regolament tecnich sportif, le regole del jech, la compilazion di manuai per i tabelons e c.i.

De più su La Usc stampèda de en vender ai 21 de mé del 2021  (CRI.M)