La Usc di Ladins

La sabeda ai 21 de ma dl 2021 él sté a Balsan la »BOclassic« gara da salté da San Salvester. I atlec profescionisć â bele desfiré la competiziun ai 31 de dezëmber, mo a gauja dl Covid án sposté la gara amatoriala ala aisciöda. La gara é gnüda fata da sëra, cun partënza dales 19:00. I atlec, partis sö te deplü categories, á fat le percurs classich por le zënter storich, percurs che n'é mai mudé dal 1987 incá. Ala gara ál ince tut pert deplü atlec de Badiasport, che á garejé tla categoria jonila. Pro i jogn á davagné Maximilian Nagler. Al secundo post s'ál plazé Manuel Nagler. Tla categoria feminila á davagné Lisa Leuprecht. Hanna Irsara y Annalisa Pitscheider de Badiasport é rovades al 4. y 7. post.

Tla categoria di ëi á davagné Hannes Perkmann. Tla categoria dles ëres á davagné Lara Vorhauser. Ince cin' atlec di Gherdëina Runners á tut pert alal competiziun: Sarah Möller é rovada al 6. post y pro i ëi é sté le plü asvelt Luis Schent che se á plazé al 7. post. 

 (kp)