Al via l Zircuit Trentin MTB

Data

24 de jugn 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ence l’edizion 2021 de la manifestazion sportiva trentina é pontèda endò via dò l Covid con la 100km dei Forti a Lavarone. Bon ejit per Gabriele Depaul e Manuel Verra.



L’é pontà via l Zircuit Trentin 2021 per la roda da mont, competizion de mountain bike che se dejouc via per l’istà e che tol ite desvaliva garejèdes stroz per noscia provinzia. Desche zenza, ence atlec de noscia val se à enscinuà al tornoi, per pontèr ai resultac de la singola garejèdes, ma ence al più gran obietif de trionfèr te la classifica complessiva del zircuit.

Enscin dal 2009 chesta manifestazion se prejenta, an dò an ge dajan l met ai pascioné de roda off-road de se meter a la proa te garejèdes desvalives per dificoltà e tecnica, ma tinultima leèdes da la belezes e l’emozion de noscia crepes, chest an con l’unica desferenza che la proes no les sarà cinch desche da tradizion, ma cater con l’eliminazion de la gara ladina Val di Fassa Marathon: na riduzion de calandèr, se lec sui canai ofizièi, che tegn en conscidrazion l moment de malsegureza e gran dificoltà che dut l mond, ence del sport e de la sociazions, l’é dò a viver.

La proes del Zircuit 2021 sarà donca la 100km dei Forti de Lavarone, la Dolomitica Bike de Pinzolo, la 3T Bike de Telve Valsugana e la Val di Non Bike de Cavareno.

De più su La Usc stampèda de vender ai 25 de jugn.