En domenia ai 20 de jugn a Perjen l’é stat endrezà l trofeo Metalworking, metù dant da la sozietà Oltrefersina e a portar inant i colores fascegn l’é stat le doi atlete de la 3Esse de Soraga, Giorgia Ciocca e Sophie Tallandier.
Chesta garejada l’era la pruma tapa su nef de n zircuit per joegn atlec trentins a soa pruma edizion e sostegnù ence da la Federazion Ciclistica Taliana.
La competizion é pontada via la domenia da le diesc dadoman, con n gran ciaut e su n percors tecnich da roda da mont, deschech ne à dit le doi beze, con erte dalbon empegnative dute su pra o strade da mont.
La categoria G5 aea da jir su na distanza de 3 chilometres e Giorgia Ciocca la se à vadagnà l prum post, de gra a na bona partenza e stajan dedant per dut l temp.
Le G6 enveze le cognea far 6 chilometres e Sophie Tallandier la é ruada dassen vejin al podie, ma l’à cognù se arcontentar de la medaa de legn.
Donca nosce atlete à portà a ciasa resultac dassen bie e che fasc ben sperar per chesta sabeda, a la seconda tapa de chest zircuit a Pinzolo.
(Gloria Gabrielli)
Giorgia e Sophie al luster a Perjen
Le doi beze de la 3Esse de Soraga à arjont de bie resultac al Trofeo Metalworking.
Galaria retrac
View the embedded image gallery online at:
https://www.lausc.it/sport/16180-giorgia-e-sophie-al-luster-a-perjen#sigProIdeb9e587361
https://www.lausc.it/sport/16180-giorgia-e-sophie-al-luster-a-perjen#sigProIdeb9e587361