L nef suzess de l’EWS te Fascia

Data

01 de messel 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La manifestazion mondièla Enduro World Series é ruèda a Cianacei per la seconda outa, con n gran resultat sportif ma ence turistich.

Cianacei ge à dat alberch a l’Enduro World Series 2021, l gran event sportif de nonzech mondièl che à portà te noscia val beleche 1000 atlec rué da 27 nazions desvalives. La competizion sportiva endrezèda dal Fascia Bike é scomenzèda en mercol ai 23 de jugn con la pruma de la doi garejèdes di profescionisć. La seconda é stata enveze en sabeda ai 26 a serèr la manifestazion. Te anter, la garejèdes EWS80 e EWS100 con i atlec internazionèi che no aea assà ponts tel ranking mondièl per se jièr l’event maor, ma amò ence i events de cornisc e la proes di percorsc.

Estra che chel sportif, l’é n resultat amò più emportant. L moviment de la roda e chel turistich de noscia val à abù n’autra bela spenta de gra a chesta manifestazion che, descheche jà l’era stat del 2019, l’à abù n gran suzess tant sobito, con n gran biteboi te la strèdes de Cianacei, che per l davegnir desche vedrina mondièla de nesc monts e de la ativitèdes perferides da noscia val. 

De più su La Usc stampèda de vender ai 2 de messèl 2021.  (Daniele Verra)