La Usc di Ladins

I Falcons à scomenzà a endrezèr la formazion per la sajon 2021-2022. Sarà amò Marco Liberatore a cef de la squadra. Chesta la pruma neva de marcià che à volù dèr fora la sozietà de Fascia, ence a sotrissèr l pont de referiment per n grop joen che à lurà delvers te l’ultima sajon. No n gran resultat chel sportif, ma n bon lurier fat apontin con n bel grop de hockeysć de la »cantera« fascèna che i é cresciui n muie sot la vida del coach ladin e che, de gra a chesta conferma, l podarà amò lurèr ensema col vantac de aer jà colaudà la sort de lurier domanèda da l’alenator. Coach Liberatore, estra che desche arcedador de la pruma squadra, l’é stat confermà ence desche diretor tecnich del setor di joegn di Falcons.

Chest l’é stat aboncont demò l prum messaje che à volù dèr fora la sozietà. L secondo l’é ruà pech dò. N messaje de batalia, per desmostrèr la gran voa del Fascia de vadagnèr te la proscima sajon i playoff che al Scola i mencia da trop: prum jiador anunzià Steven McParland. Leà a McParland l’é seguramenter Daniel Tedesco e estra che chisc gregn colpes, l’é ruà ence de autra confermes emportantes a partir da chela de »El Diablo« Diego Iori.

De più su La Usc stampèda de vender ai 9 de messèl 2021.  (Daniele Verra)