La Usc di Ladins

A Bielmonte (Biella) iel unì garejà n sada ai 10 de lugio per i Campiunac Talians de mountain bike de duta la categuries, tla disciplina de cross country.
Tla categuria Master 4 ie Thomas Piazza dl team Saltos Mountain Xtream restà danora ntan duta la garejeda y à venciù per l segondo ann ndolauter l titul da campion naziunel de chësta categuria.
Pra i Master Master 5 à si cumpani de scuadra dl Saltos Mountain Xtream, Viktor Paris, arjont l terzo plazamënt, ruvan te travert mé un n secunt do l segondo y 40 secunc do prim.
Tla categuria M1, ulache l à garejà l atlet de Fascia Gabriele Depaul, fòvel da fé na raida deplù dl percurs. Nce sce Depaul à abù vel' problem cun la roda, iel mpo stat bon de se bater tres y ruvé ala fin mo sun l terzo scialier dl podest.

Deplù tla edizion di 16 de lugio.

Fotografies:
Thomas Piazza campion talian Master 4 (foto: Alessandro Billiani)
Gabriele Depaul a Bielmonte ntan la garejeda (foto: Alessandro Billiani)