Fin dl'edema de golf a Corvara

Data

20 de messel 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le golf é indô sté protagonist dl'ultima fin dl'edema tl'Alta Badia, cun le secundo torné metü da jí sön le ciamp Tranrüs da Corvara
En domënia él gnü metü da jí sön le ciamp Tranrüs da Corvara la cuarta ediziun dla »Piz Boé Alpine Lounge Golf Cup by Movimënt«. Le program á bele metü man la sabeda domisdé, canche i partezipanc á podü rodé jö le ciamp y tratan la roda podôn bele davagné i pröms pesć. I dui fredesc, Nora y Aaron Planatscher, á davagné le pest »Longest Drive«, tiran le colp plü lunch sön la büja numer 2. Christian Alton á trat le plü avisa sön la büja numer 8 y á davagné le pest »Nearest to the pin«. En chësc ann án ince surandé n pest por chi che atocâ na pera, le »Hit the limestone«, che é gnü davagné da Ivan Berluti. La sabeda sëra él spo sté na cëna sön Piz Boé y la domënia da doman á metü man la competiziun. Do da feter 5 ores de jüch, s'á le torné stlüt jö cun la premiaziun.

Les classifiches
Tla categoria »Lordo« á davagné Doriano Francescangeli y tla categoria »Netto1« Nicoló Bagna; secundo é rové Peter Pescollderungg. Tla categoria »Netto2« s'á alzé fora Alberta Alghisi y Nina Stuflesser y pro i »Seniores« Michele Di Bernardino. Pröma tla categoria »Ladies« é rovada Inge Perathoner. Le terzo apuntamënt cun le golf sön le ciamp Tranrüs sará en sabeda ai 24 de messé, olache al gnará organisé na gara a copies.   (dm por le Golf Club Alta Badia)