La Usc di Ladins

Nia da far nience chesta outa per l Fascia Balon che, enceben na bona prestazion, l’à perdù per 1 a 0 contra l’Ortigaralefre. Scomenz de l’endesfida no sorì per i patrogn de ciasa che no i é bogn de far sie jech e i riscia de ciapar l gol te n par de ocajion. Do n cart de ora i fascegn met l mus tel mez ciamp aversarie e i met en dificoltà i ghesć, ma Riz dant e Deville do no i é bogn de brincar l’usc per l vantac fascian. Sul fenir del prum temp l joen fascian Ruggiero proa a far l gol del un a nia per l Fascia ma l portier ghest é bon de petar fora da usc la bela trata. 
A diesc menuc da la fin rua l gol de Baccega con na trata che va tel cianton aut che val i trei ponc per l’Ortigara. Trottner e compagnes proa amò a drezar la partida ma zenza esser bogn. 
L Fascia proarà a venjer en domenia da mese le 4 sul ciamp de Moena contra l Perjen.

De più su La Usc stampèda de vender ai 10 de setember.  (Pierpaolo Rasom)