Alps Hockey League: neves dai Fascia Falcons

Data

17 de setember 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I ultimes agiornamenc da man de la squadra de hockey fascèna: co che muda la cronaches sportives e l azes al stadie per la partides de cèsa.

L é pontà via chisc dis l sesto an del Alps Hockey League, l tornoi de hockey che tol ite formazions taliènes, todesces e slovenes. Do la pruma venta storica del Tornoi Ladin Elite, i Fassa Falcons à perdù la pruma doi partides contra l Renon e en sabeda ai 18 i jia contra l Jesenice.

De chisc dis ence la neva che do passa trent’egn de colaborazion Radio Studio Record no sarà più l media partner de la squadra fascèna. Chest tant l é stat anunzià chisc dis da la ousc ofizièla de la sociazion Giorgio Pedron e da ades inant la diretes audio per ge jir dò a la partides se podarà les scutèr travers la piata Facebook de la squadra, olache sarà ence intervistes e momenc pre-partida.

Te chest campionat per tor pèrt a la partides de cèsa al stadie Gianmario Scola de Dèlba, apede a aer l green pass se podarà se emprevaler de doi desvaliva sorts de abonamenc (da 10 o da 20 partides), ampò con la neva situazion sanitèra no les sarà più nominatives, se podarà de fat trasferir i ticket del abonament a de autra persones.
Per maor informazions se pel scriver a la mail logistics@fassafalcons.com, o vardèr la piates social per restèr semper agiorné.

De più su La Usc stampèda de vender ai 17 de setember.  (Nicoletta Riz)